影片
更多
2012-02-02
106 瀏覽
11月3日, 今日同屋企人一齊出街食飯慶祝呀菲農曆生日~ 家人推介嚟呢間泰出色, 話嚟過食幾次, 有幾款心水菜式都保持住水準咁話, 我地就一於嚟試下!::: 沙爹串燒(半打) ::: $62奇怪呢度又唔係印度菜館, 但串燒就無牛肉供應, 於是要咗豬同雞各一半~ 沙爹嚟講都幾大串, 大大舊肉! 基本上d肉都燒得唔錯, 微嫩有肉汁. 但係就無乜豬味雞味, 兩款都醃到同一個味咁, 係肉質上有少少分別~ 沙爹醬惹味, 有少少花生粒咬下, 幾好!::: 冬蔭功蝦湯(小) ::: $68細嘅冬蔭功其實都真係只夠2個人飲. 我地咁多人就只係淺嚐. 蝦都幾鮮嘅, 蝦頭都仲有d味~ 而個湯都有浸入dd蝦嘅味道, 辣味唔係好夠, 酸味十足, 如果辣番多少少就好喇~::: 泰式咖哩炒軟殼蟹 ::: $138屋企人推介菜之一~ 話就話係咖哩炒軟殼蟹, 但原來兩樣野係分開嘅. 先講軟殼蟹, 叫做炸得外脆內軟唔油膩, 而且都幾厚肉, 仲有少少蟹膏味, 食落唔錯~ 美中不足係d炸粉唔夠薄. 咖哩汁係平時炒蟹用加咗蛋嘅咖哩, 味道唔辣兼帶少甜, 椰奶味亦重, 同軟殼蟹味道都幾夾! 伴碟仲有d酸青瓜蘿蔔, 酸酸甜甜正
::: 沙爹串燒(半打) ::: $62
奇怪呢度又唔係印度菜館, 但串燒就無牛肉供應, 於是要咗豬同雞各一半~ 沙爹嚟講都幾大串, 大大舊肉! 基本上d肉都燒得唔錯, 微嫩有肉汁. 但係就無乜豬味雞味, 兩款都醃到同一個味咁, 係肉質上有少少分別~ 沙爹醬惹味, 有少少花生粒咬下, 幾好!
::: 冬蔭功蝦湯(小) ::: $68細嘅冬蔭功其實都真係只夠2個人飲. 我地咁多人就只係淺嚐. 蝦都幾鮮嘅, 蝦頭都
仲有d味~ 而個湯都有浸入dd蝦嘅味道, 辣味唔係好夠, 酸味十足, 如果辣番多少少就好喇~
::: 泰式咖哩炒軟殼蟹 ::: $138屋企人推介菜之一~ 話就話係咖哩炒軟殼蟹, 但原來兩樣野係分開嘅. 先講軟殼蟹, 叫做炸得外脆內軟唔油膩, 而且都幾厚肉, 仲有少少蟹膏味, 食落唔錯~ 美中不足係d炸粉唔夠薄. 咖哩汁係平時炒蟹用加咗蛋嘅咖哩, 味道唔辣兼帶少甜, 椰奶味亦重, 同軟殼蟹味道都幾夾! 伴碟仲有d酸青瓜蘿蔔, 酸酸甜甜正好解下炸野嘅油膩感同熱氣~ 算無介紹錯啦~
::: 椰汁青咖哩雞 ::: $65呢個青咖哩香辛小辣, 不過椰奶味較淡, 質地都唔係好杰身嗰隻~ 雞肉都係雞柳, 肉質彈牙卻欠鮮味. 不過配菜甚多, 大大條茄子、豆角、芥蘭等, 配埋咖哩都煮得幾香甜入味!
::: 香油鬆餅 ::: $28叫得咖哩梗係要配番個油鬆餅啦! 不過呢個香油鬆餅同馬來西亞嘅油鬆餅又唔同, 呢隻香油鬆餅唔係一絲絲好鬆軟嗰隻, 質地比馬來西亞油鬆餅實, 但又比普遍薄餅厚. 外層微脆, 咬落煙韌帶少許麵粉香, 不過略嫌油咁d… 食多兩啖好易滯…
::: 泰式蛋包炒飯 ::: $58都係屋企推介之一~ 不過呢個飯賣相就普通咗d… 都唔係蛋包飯, 只係個炒飯面頭鋪一大塊厚厚嘅煎蛋之嘛! 撇除賣相, 隻蛋其實都幾香, 蛋味幾濃~ 入面個炒飯都幾足料, 有蝦、臘腸、車厘茄、芥蘭、洋蔥、青蔥咁, 亦炒得夠乾身, 不過就有少少唔夠味.
::: 泰式粉絲雜菜煲 ::: $62發覺呢度好多菜式都標榜住“泰式”兩個字, 連呢個雜菜煲都唔例外, 不過佢又真係做到泰式嘅風味~ 因為佢都落咗唔少泰式調味料, 又有d炸蒜粒、蝦米咁~ 成個煲粉絲夠晒多, 煮得乾身又夠入味~ 雜菜豐富又鮮嫩, 幾好味!
::: 泰國椰青 ::: $30一個椰青要卅蚊其實都幾貴! 好在個椰青都幾大個~ 雪得夠凍之餘內裡香甜多汁! 好飲~
環境裝修頗有泰國風情, 不過感覺都係似街坊格局. 但價錢都唔平~ 勝在食物出品夠泰式地道, 份量同價錢比例都平均. 算佢無改壞名啦!張貼
