童話世界 (已結業)

韓風吹左咁耐, 炸雞韓燒通街都係! 呢日就黎左柯士甸食呢間童話世界呢度環境唔錯, 細細間唔太嘈, 可約三五知己前來傾計。店內有韓國staff亦有韓國客, 我地兩個人order左兩樣野分別係原味炸雞同芝士蛋卷另加一枝soda。首先上左芝士蛋卷($120), 好大份, 鋪滿茄汁熱辣辣, 一定要襯熱食! 蛋卷入面好多cheese, 啖啖都係, 加埋啲茄汁中和左味道唔會太溜~ 蛋本身都煮到好滑, 唔係全熟, 食到蛋香!等左一陣主角炸雞($220)都到左啦!真係好大份, 係成隻雞@@側邊跟左啲薯片, 好脆好好味!可惜得少少唔夠喉XD 至於炸雞都配左兩隻sauce, 一隻辣辣地一隻酸酸地, 我就中意酸酸地嗰隻。炸雞好滑好juicy, 就算係雞胸都唔會覺得"鞋"; 炸粉唔會太厚亦唔會炸得太硬易入口無飲到啤酒飲左枝soda($20), 食炸雞一定要配啤酒?@@ 不過枝soda有啲酸, 幾好飲但我怕酸無飲哂。本身想嗌多份沙律清清地, 好彩無嗌因為兩樣野已經食唔哂! 食炸雞都係同成班人黎食會開心滿足啲!! 始終都係最回味韓國的正宗炸雞啊~~~