影片
更多
2020-09-24
289 瀏覽
好耐無去過葵廣，落到地下見到爽肉餃子呢個名幾吸引，作為一個餃子迷一定要試下😋啲餐牌上寫住有韮菜餃同椰菜餃，咁我就同店員講要韮菜煎餃，可能環境太嘈，佢問多我一次要湯定煎，我話要煎餃，咁佢就準備夾俾我。然後我旁邊朋友同我講：佢寫呢個係椰菜餃嚟架喎，咁我就問多次店員係咪韮菜（因為真係有啲亂，佢又無同我講煎餃無韮菜），然後佢就話韮菜得湯，煎餃係椰菜。 咁我就係無咩所謂嘅人，我都好好聲氣有禮貌咁講：咁照要煎餃啦，唔該。喺我問完之後個夾餃子嘅姐姐態度好差收完錢成個袋pat過嚟 不過我都係買份餃子食啫，態度差都由佢算。點知食落口都失望，佢加左一大pat豆瓣醬喺入面，所以啲餃子都只係得好濃嘅豆瓣醬味，少少餃子味都無，餃子入面少少湯汁都無，非常非常普通。以一間用餃子嚟做招牌嘅店，真係非常之失望，寧願去食返上面嗰間某媽媽餃子或者另一間食北京餃子嘅鋪頭，水準好好多。希望呢間爽肉餃子可以改善下啲食物水準，作為一個餃子迷都希望掃街可以有間可以立食平平地嘅餃子小食店嘅
啲餐牌上寫住有韮菜餃同椰菜餃，咁我就同店員講要韮菜煎餃，可能環境太嘈，佢問多我一次要湯定煎，我話要煎餃，咁佢就準備夾俾我。
然後我旁邊朋友同我講：佢寫呢個係椰菜餃嚟架喎，咁我就問多次店員係咪韮菜（因為真係有啲亂，佢又無同我講煎餃無韮菜），然後佢就話韮菜得湯，煎餃係椰菜。 咁我就係無咩所謂嘅人，我都好好聲氣有禮貌咁講：咁照要煎餃啦，唔該。
喺我問完之後個夾餃子嘅姐姐態度好差收完錢成個袋pat過嚟 不過我都係買份餃子食啫，態度差都由佢算。
點知食落口都失望，佢加左一大pat豆瓣醬喺入面，所以啲餃子都只係得好濃嘅豆瓣醬味，少少餃子味都無，餃子入面少少湯汁都無，非常非常普通。
以一間用餃子嚟做招牌嘅店，真係非常之失望，寧願去食返上面嗰間某媽媽餃子或者另一間食北京餃子嘅鋪頭，水準好好多。
希望呢間爽肉餃子可以改善下啲食物水準，作為一個餃子迷都希望掃街可以有間可以立食平平地嘅餃子小食店嘅
張貼