道頓堀御好燒專門店 (新城市廣場) (已結業)

趁住放假去到沙田新城市行街，同男朋友入左去試下呢間餐廳，去到既時候都2點幾，不過餐廳客人都算多，有接近7,8成滿。坐低嗌左個2人套餐$398連2杯飲品，食物既份量都算多，兩個人食都仲有剩，可以玩又可以食，以性價比黎講都幾高。如果食量比較小或者自己一個去既話，可以考慮一下散叫會更加抵食。值得一讚既係員工送餐速度快而有禮。不過餐廳既抽油煙機風力有啲弱雞，唔係好吸到鐵板上嘅油煙，走既時候身上會有一陣味。