皇府 (已結業)

今日同老婆兩個拍拖來到又一城的皇府食lunch，難得可以放低兩個仔女係外母到，真係開心，我老婆叫了個海南雞飯，我就叫了個食神叉燒飯，個海南雞飯真係幾滑，不過就冇以前咁好食，可能真係貨源問題，但係我係出面真係食唔到咁滑的海南雞飯，佢d 黑豉油幾好食，唔會帶苦，我老婆上次係超市買d一盒自己煮的海南雞飯的黑豉油係帶少少苦，個油飯又好食。而我老婆叫的食神叉燒飯係有隻太陽蛋係上面，俾我地用蛋黃撈飯，真係幾好食，而d 叉燒又幾"林"呀!d 茶都幾好飲，佢放低個茶壺係度，但係原來入面冇茶葉，咁d 茶就唔會因為放係度太耐而好苦呀!佢地又諗得幾周到呀!雖然這間係貴過出面食，但係都幾ok呀!都覺得值得呀!咁人地間舖o係又一城，d 舖租係全港最貴商場之一，咁收得貴係正常呀!