蘭芳園

營業中

休息中

唔知點解好中意食茶餐廳，朋友話呢間係賣懷舊情懷嘅叫我要黎試吓，唔食得都望得咁話行去搵餐廳嘅時候成個地庫好多店舖都執得七七八八，覺得好唏噓啊。餐廳入面嘅佈置都幾精緻。未食之前心情都已經幾好朋友係熟客，佢推薦我食喇沙，所以我就叫咗個喇沙雞扒米粉。佢嘅喇沙湯底有好香嘅椰香味，但係唔會話太濃味都清清地嘅。雞扒烤得好特別，唔知點解我食到有一陣淡淡嘅咖啡味，有三大件好夠食！好鍾意佢啲配菜仲有埋蘑菇，好得意。蛋有啲煙燻茶味食落好香，就咁一碗米粉都有咁多味餸，好評我個人來講就唔太鍾意食豬仔包，所以叫咗全走，淨係食包都幾香幾脆㗎！熱奶茶就不過不失冇外界講得咁好飲。