影片
更多
2023-10-18
58 瀏覽
今日喺尖沙咀等咗好耐好耐，whatsapp A姐又無人覆，而我只係痴痴的等，等咗差唔多1個鐘，A姐先打俾我，話約咗人，又唔記得話我知，就係咁我俾A姐放咗飛機喇！成個痴漢咁，我就去到喜膳燒食串燒，最鍾意呢度嘅串燒放喺鐵板上，所以啲串燒放耐咗都仲好夠熱。其實食燒烤真係唔駛多醬料，簡簡單單用鹽燒，反而更容易帶出自身嘅香味。牛舌厚切得嚟，又燒得軟腍，牛肉味香濃，好juicy！雞翼大大隻，用蜜糖嚟燒，就最啱喇！蜜糖甜甜哋，好惹味，一串仲有成3隻，夠晒抵食。除咗燒蜜糖雞中翼，仲叫咗明太子釀雞翼，雞皮燒得好脆口，入面仲有好多明太子，好滿足！隻扇貝都幾大隻，鮮甜爽口。而上面仲有粉絲同蒜蓉，好香呀！燒到燶燶哋嘅粟米仲好鮮甜，粒粒都脆卜卜。煙肉韭菜卷好香，唔太油膩，最正係韭菜味夠香！
其實食燒烤真係唔駛多醬料，簡簡單單用鹽燒，反而更容易帶出自身嘅香味。牛舌厚切得嚟，又燒得軟腍，牛肉味香濃，好juicy！
雞翼大大隻，用蜜糖嚟燒，就最啱喇！蜜糖甜甜哋，好惹味，一串仲有成3隻，夠晒抵食。
除咗燒蜜糖雞中翼，仲叫咗明太子釀雞翼，雞皮燒得好脆口，入面仲有好多明太子，好滿足！
隻扇貝都幾大隻，鮮甜爽口。而上面仲有粉絲同蒜蓉，好香呀！
燒到燶燶哋嘅粟米仲好鮮甜，粒粒都脆卜卜。
煙肉韭菜卷好香，唔太油膩，最正係韭菜味夠香！
張貼