Café de Paris (已結業)

有日Sat上o左Soho，見倒呢間店好平實，但好有歐陸情調，就入去一試(哈哈，冇錯，我絕對係會俾外表吸引o既人)，我冇咩細緻研究佢o既餐牌，只係叫o左set lunch，食物感覺良好，steak質素不俗，麵包熱哄哄，餐湯味濃，睇得出set lunch都有用心製作，不俗不俗。但好可惜，服務一般，我唔可以話好差，但同一般港式餐廳差唔多，唔夠細心。有個waitress講電話講得好大聲同講o左好耐，雖然我成2點半先入去食lunch，我都知係遲o左d，但如果你俾得個客入o黎係咪都要尊重番客人呢？如果你話我o係椰林閣我就當然冇要求啦，但呢度係soho喎，仲有我地未食晒就開始熄燈，感覺倒佢地好希望我o地快d走，咁我o地當然快快手食埋就走啦。之前都有網友講過佢個water要收charge，但佢冇同客講聲，完全正確，佢都冇同我o地講，唔係話錢o既問題，而係禮貌上都要講聲掛！淨係食物可以俾笑面，但service (可能我黑仔掛！) 就俾喊面，拉抵o左整體分數。