雪糕達人 (已搬遷) 新店位置

呢間野都幾出名，平同多款，仲要好味，上哂報紙，背景唔多講。先睇餐牌。五花百門，花多眼亂，多不勝數。脆筒方面細單球6蚊，大8蚊，同便利店買甜筒差不多，但勝在感覺上新鮮d。杯裝方面十分抵，10蚊4球細，12蚊5球細，除開都係2蚊左右一球，如果想試多隻口味極推介。我就揀左最平6蚊既細球，口味揀最基本既混呢拿，過下口引算。唔細支既，真係同甜筒差不多大，正常味道，質感都係正常，冇特別驚喜。足料冇呃稱，哎到底都仲有雪糕，唔係得個頂。驚喜位係個筒好脆，食甜筒一定冇，淋哂一早。總結，好食，抵食，過口引一流。