芽莊越式料理

營業中

休息中

好耐冇去過芽莊lunch，今日早左少少12:40去等位，差不多1:00就有檯啦。突然隻眼bling bling，竟然俾我望到有lunch set，仲要只需$89，另加10%服務費。就有1個lunch配1個小食，但就唔包餐飲。如果想飲野，就要另外加$18，有4款特飲可以揀。大家都知平時芽莊食個湯河都唔平，所以呢個set lunch真係算抵食。今日order左2個set lunch，配香茅雞翼同串燒。可以揀燒牛肉，燒雞或炸豆腐。今次叫左燒牛肉，燒得冇過火，牛肉好淋。醬汁撈埋落檬粉，芫茜，生菜絲，蘿蔔絲，酸酸辣辣幾開胃。香茅雞翼每碟有3隻，雞肉好滑，有香茅味。香茅串燒每碟有2串，可以揀牛，雞，豬頸肉，今次揀左豬頸肉串燒，好香口。一口一啖，唔需要配醬汁。