六十六十火鍋 (已結業)

小編真係聽好多朋友介紹而嚟到呢間，係長沙灣青山道156號嘅「六十六十火鍋」，蕃茄濃湯底同埋粥底就係每位200， 而椰子文昌雞湯底，我地今次就揀咗粥底個個choice，有8款海鮮加埋六款火鍋配料，海鮮嘅選擇都多不勝數。咁我哋就揀咗鮑魚，活魚，聖子皇，蠔，海蝦同埋貝，老老實實好真心講句，佢啲新鮮程度真係幾好，好用心去準備每一個海鮮。*題外話大家食完海鮮，就已經要將啲粟米，南瓜同埋芋頭放落去湯底一邊滾，如果唔係就可能太硬啦。而配料大家都可以自選6款咁多添，真係唔會係出面任食嘅級數，我小編我咧就嗌咗西班牙梅頭肉，鮮雞件，鮮淮山，花膠仔，萵筍，手打墨魚丸。其實睇相就知道幾好味，特別係花膠處理得好鬼乾淨。