華苑酒家 (已結業)

去元朗下白泥睇完日落，同一眾朋友諗緊食乜既時候，就見到呢間位於元朗安寧路既火鍋酒家，佢分左幾層，一樓係普通茶市，2樓就係專做火鍋既，咁我地一行人都係相當大食既，咁當然揀蒸汽火鍋喇，一上到去，環境同一般既火鍋酒家差不多，但服務態度係幾好既，一坐低，侍應已經介紹呢度既招牌粥底同海鮮比我地，我地就揀左個淮山杞子雞粥做我地既粥底，然後就發現佢既粥底火鍋係即時落料整既，夠曬新鮮，之後有4種海鮮可以揀我地就揀左蟶子，鮑魚，扇貝同帶子，佢地既海鮮係每日新鮮由街市入貨，唔係自己養（所以出奇地佢地酒樓係冇魚缸）。蒸出來味道極鮮甜，尤其個海鮮汁係甜中有鮮味，可惜得4種揀，唔夠喉。其他火鍋配料方面，最正既一定係雞，佢既順德污糟雞同蟲草花雞都好出色，滑得來有滿滿既雞油，我地都嗌左5碟。炸魚皮都係十分之正，佢即炸，放落口係仲熱既，真係好小見。另外佢地d丸係每粒用手打，彈牙又冇冰鮮味，真心正。最後佢地個粥底先係重點，冇曬所有食物既精華，海鮮既汁加埋雞既精華，真係蒸氣火鍋先做到。佢地既汽水同啤酒都係任羅，醬汁選擇好多，芫荽等少見既食材都有。下次一定會再來