力奇四季火鍋 (已結業)

成日放工想打邊爐 之前過嚟食過，覺得好好味，今次再encore。輪食物係好食，每次過嚟打邊爐都覺得好抵，因為樣樣野都好大碟，淨係睇個煲都已經飽一半，番茄蓮藕粟米豬骨湯底，鮮甜又好飲。不過論服務就冇乜㗎啦，係自助形式，自己出去拎碗，碟，筷子，基本上啲侍應都忙到踢晒腳，都冇時間理我哋。不過依啲類似大排檔咁樣嘅鋪頭，我對佢哋服務都冇乜特別要求。好食就OK。同埋環境都有啲嘈，個個講嘢都好大聲🤣所以同朋友講嘢我哋都要嗌出嚟先聽到。每次去都好多人，生意都好好，如果想去嘅朋友記得打電話去book位先。