十二味 (搵食市集)

營業中

休息中

呢幾年見十二味開到周圍都係，終於搵到機會試一試因為兩個人，其實食得唔太多，今次就試試招牌香鍋，涼拌土豆絲，同埋叫咗兩杯飲品解辣🤣飲品首先嚟咗，慾望酸梅，超大杯，28蚊，好抵飲。另外一杯係桂花冰釀，淡淡嘅桂花味，入邊有少少類似酒釀嘅味道，都幾特別，不過份量就唔太多涼拌土豆絲，食落都幾爽脆，不過因為涼拌關係，所以薯仔味唔會太重招牌香鍋，份量超大份，我哋揀咗五款配菜，午餐肉，雞翼，美國肥牛，鮮腐竹，寬粉，因為今次係第一次食，所以我哋叫咗小辣，但係其實都算幾辣🤣好彩叫咗飲品，可惜餐廳未有酒牌，如果想飲酒，要自己落街買🥹午餐肉有少少似長城牌，入面有少少肉碎絲，幾好食👍雞翼，係單骨雞翼，之前見OpenRice有人推介，所以試吓，味道都唔錯美國肥牛，最初頭以為會好多肥膏同埋好薄好碎，點知上枱見到一塊塊超多肉，比平時嘅肥牛厚身，食落去好滿足，非常推介😋鮮腐竹，都幾索辣汁，幾好食寬粉，煙煙韌韌，索辣汁一流👍下次再嚟食，可能揀多個配菜，唔再叫其他嘢🤣因為份量都非常之多，好滿足😋