影片
更多
2022-05-27
377 瀏覽
近尖東方向，漆咸道南一帶有好多酒吧餐廳，地中海菜未食過一直都好想試。放左約左朋友Happy Hour放鬆下。食得是福🤣乜菜都要試下！我地叫左set dinner HKD688 for 2 person🥗🐔希臘烤雞沙律沙律菜新鮮爽脆，撈左自家調製既沙律醬、青瓜、蕃茄、洋蔥、藜麥、Feta Cheese，健康清新。烤雞唔會鞋烚烚，仲幾好味添。🦑意式酥炸魷魚圈魷魚圈個皮炸得好薄，香脆可口，灑左小小🤏檸檬胡椒粉，酸酸地，好開胃，食到停唔到口。無花果吞拿魚切片厚切吞拿魚外熟內有少少生，口感層次豐富，配上自家調配既wasabi醬汁，🤏少少攻鼻，鹹香配無花果既甜，又幾特別。🥘🦐西班牙大頭蝦海鮮飯店員上菜時會淋小小油係面🔥燒香。大頭蝦大大隻，蝦肉爽口彈牙。飯帶有飯蕉，將蝦膏、青椒、墨魚、檸檬汁等撈埋一齊食，辣辣地好惹味，無論口感同味道都一流。🐮烤美國西冷牛扒 濃牛肉汁 + HKD25我地叫左medium well，切開仲好粉嫩，肉味香濃、肉汁豐盈，肉質唔算十分軟腍，帶嚼勁，配菜仲有薯蓉、翠肉瓜，滿足。西班牙油炸鬼Churros係出名既西班牙傳統甜品，面撒上肉桂糖粉，炸得外層酥脆、內層軟嫩，食果陣仲微熱
我地叫左set dinner HKD688 for 2 person
🥗🐔希臘烤雞沙律
沙律菜新鮮爽脆，撈左自家調製既沙律醬、青瓜、蕃茄、洋蔥、藜麥、Feta Cheese，健康清新。烤雞唔會鞋烚烚，仲幾好味添。
🦑意式酥炸魷魚圈
魷魚圈個皮炸得好薄，香脆可口，灑左小小🤏檸檬胡椒粉，酸酸地，好開胃，食到停唔到口。
無花果吞拿魚切片
厚切吞拿魚外熟內有少少生，口感層次豐富，配上自家調配既wasabi醬汁，🤏少少攻鼻，鹹香配無花果既甜，又幾特別。
🥘🦐西班牙大頭蝦海鮮飯
店員上菜時會淋小小油係面🔥燒香。大頭蝦大大隻，蝦肉爽口彈牙。飯帶有飯蕉，將蝦膏、青椒、墨魚、檸檬汁等撈埋一齊食，辣辣地好惹味，無論口感同味道都一流。
🐮烤美國西冷牛扒 濃牛肉汁 + HKD25
我地叫左medium well，切開仲好粉嫩，肉味香濃、肉汁豐盈，肉質唔算十分軟腍，帶嚼勁，配菜仲有薯蓉、翠肉瓜，滿足。
西班牙油炸鬼
Churros係出名既西班牙傳統甜品，面撒上肉桂糖粉，炸得外層酥脆、內層軟嫩，食果陣仲微熱，唔錯。
張貼
