麵鮮醬油房周月 (歌賦街)

營業中

休息中

.行完太平山，落左黎中環呢間米芝蓮餐廳食沾麵🍜好彩有位唔洗等，入到去既格局好似日本拉麵店，深木色裝修同bar枱座位仿如返左鄉下🇯🇵咁，坐得都舒適，凳底可以放袋添。我地叫左兩碗沾麵，可以選擇涼麵定熱麵，仲可以選擇份量 (100g/200g/300g)，100g等同一餅公仔麵份量，細食既人就岩哂了。湯汁方面都可以選擇濃味或淡味，完全可以customised你要既口味。周月沾麵 ($108)麵底200g, 熱麵, 濃汁醬油湯汁香濃，帶少少油香，齋飲湯汁味道偏酸，同麵一齊食反而唔覺酸，幾特別。湯汁入面有啲角切豚肉，食落帶點嚼勁，如果再煮腍啲會更好食。麵條係自家製，係粗麵條，食落口感比較煙韌，但十分掛湯。食拉麵或者沾麵一定要配溏心蛋，有冇人同我一樣會留到最後先食，仲要浸一浸湯汁等溏心蛋入哂味。燒黑豚沾麵 100g ($136)麵底100g, 熱麵, 濃汁豚肉片切得厚度適中，肥瘦均勻，油脂部份燒得好香，食落有嚼勁，聞到少少炭燒味道，幾好食。湯汁同麵條都係同周月沾麵一樣，細食既朋友仔揀100g就剛剛好飽。食完之後店員仲問我地要唔要加水飲湯，我地就試下啦，加左水後既湯汁飲落冇咁酸，都ok既，可一試。