泰灜

營業中

休息中

中午原本想食茶餐廳就算，但見到有一間泰國野，諗住試下泰味如何。印象中都覺得泰國菜係酸酸辣辣甜甜（就似冬蔭功湯一樣），呢份虎蝦炒金邊粉都不例外，酸辣甜各佔一D，但覺得味道都係偏甜，面身上有炒蛋碎同韭菜碎，亦有幾塊蝦肉，老實講其實得兩塊，而且麵捲埋一舊視覺上好似好大份其實真係好少，份量真係少到呢，覺得真係唔抵。而最特別係有附加白砂糖同花生碎，我估佢原意係想我地撈埋佢？定只不過係噱頭？但係其實麵本身夠甜冇乜必要。味道OK幾好食，環境衛生其他方面都中規中矩，但份量實在太少，唔會食得飽。