影片
更多
2021-02-13
1374 瀏覽
無意中發現既泰國餐廳，座位闊落，空間好大。一入去先量體溫，然後被安排座位。環境唔錯，播住泰文抒情歌，坐得舒服，睇左餐牌。個下午茶餐係抵食。於是試左粉麵，都係$38跟熱飲。冬陰功海鮮金邊粉係最抵食，入邊有蝦、青口、菇、番茄。份量唔細，食完好飽。湯底微辣，又酸甜，好開胃！馬拉喇沙米粉同樣多料，有半隻蛋、豆卜、蟹柳、菇、青口....湯底重椰味。兩款都重口味，濃味而不會食完太口渴。另外一款泰式船民湯河，有菜、蘿蔔、牛腩、芽菜、丸，河粉滑口，出乎意料之外一碗份量好多。除左湯麵，雞柳炒金邊粉，酸酸甜甜的，有青檸酸汁配花生碎，香口，配料還有韭菜、芽菜、蛋花、雞肉，都幾好食。呢間既茶餐 價錢係比其他泰菜平好多，係好抵食。選擇都多。不過亦有些係一般般。馬拉盞豬頸肉炒烏冬$56，食不出馬拉盞味，係普通茶餐廳既港式燒汁炒烏冬，食完麻麻，偏鹹，重油。加$18小食，雖說流心青咖哩蝦球，食落係 熱亦脆。不過賣點係流心青咖哩，就並不是以為既熔岩爆漿咁。而是有些內餡而已。可以話係普通蝦餅比較貼切。青咖哩雞+蒜蓉包$48，一般般。雞肉鞋口，唔滑。咖哩OK，蒜蓉包蒜蓉味唔夠香，可能預點青咖哩而無特別重蒜味，整體普通。+
一入去先量體溫，然後被安排座位。
環境唔錯，播住泰文抒情歌，坐得舒服，睇左餐牌。個下午茶餐係抵食。
於是試左粉麵，都係$38跟熱飲。
冬陰功海鮮金邊粉係最抵食，入邊有蝦、青口、菇、番茄。份量唔細，食完好飽。湯底微辣，又酸甜，好開胃！
馬拉喇沙米粉同樣多料，有半隻蛋、豆卜、蟹柳、菇、青口....湯底重椰味。兩款都重口味，濃味而不會食完太口渴。
另外一款泰式船民湯河，有菜、蘿蔔、牛腩、芽菜、丸，河粉滑口，出乎意料之外一碗份量好多。
除左湯麵，雞柳炒金邊粉，酸酸甜甜的，有青檸酸汁配花生碎，香口，配料還有韭菜、芽菜、蛋花、雞肉，都幾好食。
呢間既茶餐 價錢係比其他泰菜平好多，係好抵食。
選擇都多。不過亦有些係一般般。
馬拉盞豬頸肉炒烏冬$56，食不出馬拉盞味，係普通茶餐廳既港式燒汁炒烏冬，食完麻麻，偏鹹，重油。
加$18小食，雖說流心青咖哩蝦球，食落係 熱亦脆。不過賣點係流心青咖哩，就並不是以為既熔岩爆漿咁。而是有些內餡而已。可以話係普通蝦餅比較貼切。
青咖哩雞+蒜蓉包$48，一般般。雞肉鞋口，唔滑。咖哩OK，蒜蓉包蒜蓉味唔夠香，可能預點青咖哩而無特別重蒜味，整體普通。
+$18芝士芒果沙冰，+$13泰式奶茶，兩杯都唔錯、不會過甜。跟餐係抵飲的。
海南雞油飯$58，雞算滑，點個醬好好食，菜都軟嫩無渣。無骨酸辣鳳爪最好食，爽口！午餐+$18，係幾抵。
值得一讚係，上菜都熱辣辣，無論野食定野飲，有時落單後需要等一陣子亦不是無道理。另外店員都幾友善。坐既空間舒適。
張貼
