小南國 (已結業)

 之前從未食過小南國, 亦無對呢度的食物抱好大期望, 因為依家好多集團式的食物quality麻麻地之餘, 好多時都有夠熱的情況出現~但今次差唔多樣樣食物都唔錯, 而且好夠熱~雜菜沙律 - 睇個樣好似無咩特別, 但個沙律真係幾好味~所有菜都好新鮮, 加上小南國加咗個芝麻醬去mix個沙律, 好香芝麻味又唔會太濃, 反而仲清清地tim~芝麻醬的portion又唔會落得太多, 剛好, 值得一讚!雞煨麵 - 好夠熱, 湯底清得來又好flavourful~ D湯飲落去好舒服, 攪到越飲越想食多D…不過麵就”淋” 咗少少~但整體都幾好wor~小籠包 - 呢個唔記得影相…一個字” 正”, 皮薄”涵”靚又多汁, 又夠熱!!!紅油抄手 - 呢個係成晚較失望的一碟, 皮偏厚, “涵”又麻麻地, 又麻麻地熱, 唔係好得~南瓜餅 - 即炸, 好夠熱又唔油, 外脆內軟~南瓜餅上面的芝麻好香~南瓜“涵”唔錯, 不過可以再多少少, 皮唔會太厚~真係唔錯~呢間整體而言, 服務好好, 環境高雅, 坐得又舒服, 食物又唔錯, 絕對值得再來幫襯!!!