影片
更多
2014-06-21
2240 瀏覽
這是小弟個人的第一篇食評，希望日後可以跟各位食家陸續分享不同餐廳美食😋😋😋而觸發起我寫食評的第一間餐廳，位於中環的亞畢諾道的wild grass restaurant.在友人極力推薦下，甘岩又係爸爸節，一於同屋企人去試下係咪真係甘值得去....餐廳位置在蘭桂芳附近，幸好附近有停車場，否則找位置泊車就麻煩了。12：30準時到達餐廳門口，由於餐廳位於一樓，正煩惱要把bb車搬上一層，餐廳職員熱心地協助我們把撐手推車抬上去，並帶我們坐在原先安排好的window seat.走進餐廳，設計好home feeling,簡約舒適，中環區頗是少有，雖然window seat面向馬路景觀欠奉，但裝潢設計卻加了不少分👍進入正題，這裡星期六日原來是做brunch的，而且main course任食😍😍😍岩哂！starter 是6選1，經過一番爭扎後（因為starters 樣樣都想試），決定點了三款不同可以share😁egg Benedict , pink shrimp salad 仲有 一個cauliflower soup這裡還可以加$268free flow任飲，好彩今日爸爸揸車，甘我孝順點幫佢飲埋佢果份😆以
在友人極力推薦下，甘岩又係爸爸節，一於同屋企人去試下係咪真係甘值得去....
餐廳位置在蘭桂芳附近，幸好附近有停車場，否則找位置泊車就麻煩了。12：30準時到達餐廳門口，由於餐廳位於一樓，正煩惱要把bb車搬上一層，餐廳職員熱心地協助我們把撐手推車抬上去，並帶我們坐在原先安排好的window seat.
走進餐廳，設計好home feeling,簡約舒適，中環區頗是少有，雖然window seat面向馬路景觀欠奉，但裝潢設計卻加了不少分👍
進入正題，這裡星期六日原來是做brunch的，而且main course任食😍😍😍岩哂！starter 是6選1，經過一番爭扎後（因為starters 樣樣都想試），決定點了三款不同可以share😁egg Benedict , pink shrimp salad 仲有 一個cauliflower soup
這裡還可以加$268free flow任飲，好彩今日爸爸揸車，甘我孝順點幫佢飲埋佢果份😆
以任飲來計，紅白酒質素算是不錯，雖然吾係任飲香檳，係Prosecco,都已經滿足到我呢種嗜酒之人😋
Pink shrimp salad 的蝦頗新鮮彈牙，salad dressing 用上了lime Juice, 幾特別幾開胃
Cauliflower soup 比想像中入味，不似一般餐廳太creamy 好似罐頭湯甘，值得一讚，加上這裡的home made 面包，我們加了兩次侍應都沒炸型😁😁😁有點不好意思呢
Egg Benedict 還可以吧，hollandaise suace做得不錯，poached egg沒有over cook,但這是基本的吧😌😌😌
享受完美味starter, 係時候決戰buffet!💪不過媽咪飲完個湯加埋啲面包，睇黎佢要休戰一下，我同爸爸走到buffet counter , 食物品種不是想像中多，當然比起酒店選擇會少，但希望係會重質不重量吧😓今天的主角是以organic為主，法國春雞，new Zealand 羊，澳洲牛肉，英國豬，全都是organic,仲要係任食！任食囉，岩哂我地呢啲無肉不歡的食肉獸！廚師細心講解一番後（不打了，太詳盡），我們各取了一些，回到餐桌媽媽還是未回復戰鬥力，太浪費了！
雞肉比想像中嫩滑，不似一般西餐鞋口的印象，
牛肉成數剛好，但我比較喜歡生一點，三成都可以😂😂😂這裡的豬的確值得一讚，不知是否organic的關係，味道濃郁，似乎比起西班牙黑毛豬有過之而無不及，lamb leg還算不錯，加了香草味道很夾，雖然有多款醬汁配合，但我還是比較喜歡原汁原味，這才品嘗到食物原來的味道。
Buffet 的另一邊，放著不同配菜，其中有道oven baked whole halibut, 賣相吸引，肉質比想像中嫩滑，看來要試下配菜真係要等下次😂😂😂
經過個多小時戰鬥後，大家都似乎飽都吾想郁，侍應還說有dessert ,OMG😖😖😖😖今晚晚餐可以慳返
Dessert 有assorted dessert platter 同 cheese platter , 我們點了各一款（媽媽太飽吃不下）
Dessert platter 有四款不同homemade dessert,味道不錯，可能我不太喜歡甜點，還是cheese platter岩我口味，不過實在太飽或是份量太大，實在吃不了全部，感覺有點浪費😖😖😖
埋單只是$298一位，以食物質素來說，確實超值，侍應服務態度頗不錯，不停為我加酒，幸好今天不是司機😂😂😂😂可以盡情地飲，下次再來要試試這裡的晚餐，款式多很多，雖然沒有任飲😂😂😂，但相信會有更多收穫💪💪💪
張貼
