沙嗲王 (新都城中心二期)

營業中

休息中

下午茶時段唔多人，唔使等位，食物都幾多選擇。自行用QR code落單。白咖喱香茅豬扒粉絲：香茅豬扒好腍，好香好入味，唔會太肥，面底可以選擇米線，粉絲，拉麵或手打烏冬。我就選擇咗粉絲，因為想佢吸晒啲白咖喱湯，白咖喱湯係唔辣嘅，好似有少少甜甜地，果然係招牌菜，真係超好味。冬陰功豬扒米線：呢個冇得揀面底，一定要米線，冬陰功湯唔太酸亦唔辣，但係有好香嘅香茅味，仲配咗青檸和春卷，春卷入面有豬肉蔬菜，本人覺得似係返炸而且有啲油膩。