影片
更多
2024-01-05
16 瀏覽
老公好鍾意食串燒，特別放工後食串燒、飲啤酒係佢最期待既事😆所以我成日陪佢試唔同既串燒店，今次就搵咗呢間日式居酒屋同佢試吓！一坐低，店員就介紹兩個串燒拼盤俾我地，一個係豚肉串燒，另一個係雞肉棒。睇佢地個menu 配搭勁特別，又唔想諗，所以就點咗呢兩個～😆😆豚肉串燒拼盤($168/四種口味) - 留意返全部係採用日本黑豚五花腩🐷店員上菜時會介紹菜式，亦會講解食用的先後次序，我地都有乖乖follow😆1. 醬燒年糕豬腩卷：一食已經好驚艷🤩🤩，個年糕燒到外脆內較，好煙韌，連埋豬腩片一齊食好香口！推薦！2. 燒野菜豬腩卷：豬腩片入面包住滿滿既蔬菜，最驚喜係D菜仲keep到爽脆，一食落去口感滿滿！3. 燒煙肉蕃茄卷：唔好睇佢平平無奇，粒🍅係！會！噴！汁！超juicy！😋4. 燒蘋果玉桂豬腩卷：我地留咗佢喺最後食，除咗因為佢係甜之外，我地都覺得佢個配搭太新奇，要D時間做定心理準備😆 第一啖，簡單嚟講，係好聖誕🎄既味道！哈哈，可能蘋果玉桂俾我既感覺係好冬天、節日😆😆 講返正題，玉桂味聞落去重過食落去，而佢既🍎係切成一絲絲，再用豬腩肉卷住。認真再品嘗多次，蘋果既爽甜可以減到豬腩肉既油膩感，估唔到係夾架喎
一坐低，店員就介紹兩個串燒拼盤俾我地，一個係豚肉串燒，另一個係雞肉棒。睇佢地個menu 配搭勁特別，又唔想諗，所以就點咗呢兩個～😆😆
豚肉串燒拼盤($168/四種口味) - 留意返全部係採用日本黑豚五花腩🐷
店員上菜時會介紹菜式，亦會講解食用的先後次序，我地都有乖乖follow😆
1. 醬燒年糕豬腩卷：一食已經好驚艷🤩🤩，個年糕燒到外脆內較，好煙韌，連埋豬腩片一齊食好香口！推薦！
2. 燒野菜豬腩卷：豬腩片入面包住滿滿既蔬菜，最驚喜係D菜仲keep到爽脆，一食落去口感滿滿！
3. 燒煙肉蕃茄卷：唔好睇佢平平無奇，粒🍅係！會！噴！汁！超juicy！😋
4. 燒蘋果玉桂豬腩卷：我地留咗佢喺最後食，除咗因為佢係甜之外，我地都覺得佢個配搭太新奇，要D時間做定心理準備😆 第一啖，簡單嚟講，係好聖誕🎄既味道！哈哈，可能蘋果玉桂俾我既感覺係好冬天、節日😆😆 講返正題，玉桂味聞落去重過食落去，而佢既🍎係切成一絲絲，再用豬腩肉卷住。認真再品嘗多次，蘋果既爽甜可以減到豬腩肉既油膩感，估唔到係夾架喎😆廚師你好野👍🏻
自家製免治雞肉捧拼盤($158/四種口味) - 留意返全部係採用日本德島阿波醋橘雞🐥
1. 醬燒雞肉棒：外面燒得好脆好香，免治雞肉口感唔會太散或太實！點埋個蛋漿一齊食，又有濃濃蛋香，正！
2. 檸檬鹽雞肉棒：🍋令個雞肉棒更加清新，估唔到咁夾！連平時少食雞既老公都鍾意食呢款😋
3. 明太子雞肉棒：一向鍾意食明太子，欣賞佢既明太子唔會太咸，兩者調味剛剛好！個人最鍾意食呢😚
4. 芝士雞肉棒：炙燒芝士🧀好creamy，一個拼盤食到哂4️⃣重口感！
為咗健康，我地都叫咗幾款蔬菜以表誠意😚😚
1. 燒日本青椒仔：其實佢係青色辣椒仔既樣子，不過就唔辣既，個人就覺得佢苦苦地幾好食😝
2. 醬油燒茄子🍆：甜甜既醬油配上茄子，清清地唔錯👍🏻
3. 醬油漬牛蒡：醬油味唔會太濃，仲食到牛蒡獨特既味道👍🏻
後記：鋪頭細細，位置唔多，想食就早D book 定位啦😊
張貼
