L1fe Café (已結業)

之前睇過報導，一直都好想去食。去到店員會主動介紹餐牌，煮法口感都介紹得幾詳盡。我同朋友兩個人食左兩個主菜都已經好飽。細食嘅話，可考慮一主菜同一前菜。————————————————🐮 膠牛嘴邊肉, $188（4/5）簡單啲嚟講就係炆牛面肉。因為用左運動量大嘅牛面肌肉，食落膠質感重，富牛味，亦無其他部位咁肥膩，而且口感軟腍，基本上用叉都切得開。就咁食可能會少少重味，加埋薯蓉食就啱啱好。🐷阿肥個脆皮肚, $158（3/5）呢個係係低温慢煮嘅五花腩，感覺佢同Gordon Ramsay 喺 F Word 整嗰個有啲似。表皮香脆，有豐富嘅香料味，側邊仲有酸酸甜甜嘅蘋果蓉解膩，不過個人認為肉有少少乾，切嘅時候有少少皮肉分離，所以我都係鐘意牛面肉多啲。🥤出心出力水果茶, $38 (3.5/5)水果茶由小店自家炒嘅菠蘿醬製成，唔係好似其他店咁加糖漿，可以話真”出心出力”。飲落係水果清新嘅甜味，而唔係死甜。