Pret A Manger (已結業)

今日同個fd去作戰前先o黎醫肚，本來想去行前少少的Gourmet Coffee，但個fd話想試新野，揀左o黎呢間。金鐘個間就食得多，呢間都係第一次食。碎蛋白汁三文治-饀料唔多，白汁醬多過蛋，只得少少蕃茄，沒有青瓜、生菜等一般三文治的配料。煙三文魚沙律-主要係我個fd食，因為買相唔吸引我，我一片三文魚。全麥甘荀muffin-外層好脆，內面有d nuts，食落好有咬口，但有我唔鐘意食肉桂味，最後要我個fd包底。藍梅muffin-外層有甘荀個隻咁脆，雖然有幾多藍梅，但係唔夠香，似食普通牛油蛋榚，質地比甘荀muffin較鬆軟。我飲左杯Mocha，味道過甜，D朱古力蓋晒咖啡味，似飲朱古力多D。個fd飲Cappacinno，佢話ok唔錯。食完之後大家異口同聲，話下次去番Gourmet Coffee，三文治是即叫即制，感覺上新鮮D。