日本清酒藏所

營業中

休息中

好快就系閨蜜出嫁幾大日子，所以我地幾個姊妹book左呢間日式餐廳搞翻個party，順便聚會。呢間餐廳主打高質清酒，而且有好多刺身任食。由地鐵站去只係幾分鐘路程，十分方便。入面嘅燈光充滿氣氛，裝修幾有特色 👍🏻【雜菌炒鮑魚】夠鍋氣，鮑魚肉厚鮮美。🌼【天婦羅盛合】好脆好多，擺盤精緻。🌼【鹽燒阿波尾雞翼】雞翼超鮮味，外皮好重油香！🌼【魚幹盛盒】軟硬適中；可以一邊飲酒一邊食。🌼【壽司四貫】=深海池魚+甜蝦 配新鮮蝦膏+拖羅右+口魚肩，滋味滿載。🌼【脆辣吞拿魚腩蓉反卷】吞拿魚腩非常脆口，汁醬味道同肉匹配。🌼【藏所海膽杯】唔會太鹹，海膽新鮮。今次體驗唔錯，清酒，啤酒，梅酒，燒酎等等都好容易入口。見餐牌仲有好多其他美食，下次約埋朋友再黎食其他食物先！