蝦魂

營業中

休息中

去開新都城行街，見到呢間拉麵店新開，喺門外已經聞到好香嘅蝦湯味，所以決定入去試吓，餐廳嘅人流都幾多，但好彩唔使排隊好快就入到去。蝦紅湯拉麵湯底用咗幾款蝦熬製而成，包括有龍蝦、虎蝦、阿根延紅蝦、日本櫻花蝦等，每日新鮮熬煮4小時，自家秘制的蝦油醬簡直為碗拉麵畫龍點睛一樣，非常濃郁而惹味嘅蝦味，仲可以額外加自家制辣蝦醬，用嚟點蝦食，更添風味，而拉麵夠晒彈牙，滿佈小麥粒。虎蝦乾海味炊飯除咗拉麵，仲有一款炊飯可以選擇，飯底用乾貝、日本花菇、虎蝦乾一齊煮，令讓飯吸收哂海鮮既鮮味，配合慢煮雞胸肉、櫻花蝦、糖心蛋、紫菜再淋上自家調製鰹魚昆布醬汁，非常鮮味。另外仲可以選擇蝦湯或者雞白湯，雞白湯非常濃郁而且鮮味，陣陣嘅雞湯配合炊飯一齊食，非常之夾。花雕酒漬新鮮鮑魚小食方面選擇都唔少，新鮮鮑魚用上花雕酒浸漬，酒味唔會好嗆口，鮑魚彈牙好容易咬開。自家製阿根廷紅蝦雞肉餃子呢款餃子非常特別，喺餐廳自家製嘅出品，用上阿根廷紅蝦同雞肉做餡料，再點上柚子醋，非常特別。