蝦棧 (已搬遷) 新店位置

以前食過好多次大頭蝦，啲蝦肉都係霉霉地，今次聞名而來，聽講這間蝦棧有各式不同的蝦煲，材料主要都係大頭蝦，但係食法就有好多種，今日就點左一個胡椒蝦：因為用了胡椒粒去煮，食落有好香胡椒味，亦帶點辣味，非常惹味，最重要係今次終於可以食到肉質彈牙的大頭蝦，蝦頭仲有好多膏添。火焰雪山焗鮮魚，其實即係鹽焗鱸魚，上枱之後再用火槍將表皮燒焦，加強其香味，肉質鮮嫩，加點一個泰式辣汁，更能帶起其鮮味。蒜蓉炒羽衣甘藍菜，這個菜係好有營養價值的，之前食的通常是用來整沙律菜，以生食為主，今次這個是熱炒的，感覺似食台灣的炒野菜，但因用了上湯去煮，呢個菜即時孌得很鮮甜。黑椒牛仔骨，好入味，連配料洋蔥都非常甜！如果以後要再食大頭蝦，一定會再來呢度食！