大同韓燒 (已結業)

興致勃勃同友人去韓燒，貝到呢間好似都ok，就入去試試佢，入到去店員都好好招待，因為呢間係屬於自助形式韓國燒烤店，所以如果要嘅食物就需要自行出去拎，不過店員都會周不時過黎話俾你知廚房有新野出。飲品都有好多選擇，有酒精飲料之餘亦都有果汁之類。甜品區，有布甸呀，亦有雪糕。亦都有湯同紅豆沙，湯有2款，一款係牛骨湯，一款係泡菜蕃茄湯，泡菜蕃茄湯會有少少辣，但唔係辣既朋友都無問題的。烤肉類款式都多，亦好充足蔬菜類亦有好多款選擇，再搭配小小海鮮類，真係乜都夠食呀另外呢一邊就係韓國菜既前菜，有大豆芽菜，菠菜，拍青瓜，當然唔少得既係泡菜啦，旁邊仲有一d可以即食既小食，當你烤緊肉要等熟時就可以食住黎醫醫肚仔先喇。佢地除左有烤肉之外，仲有小小刺身同壽司架，真係乜都有得你食，想小朋友都有得食韓燒？可以，佢地有飯可以俾你order同有燒玉子，小朋友無問題啦。紅豆沙同布甸，賣相唔特別但係味道好好。