十十川滬料理 (已結業)

今晚同老婆去旺角食飯，近近地地鐵站就去朗豪坊覓食，去到四樓行過呢間十十川滬料理，就比佢既晚市二人乾窩套餐吸引左入去！其實呢間餐廳散點都有好多選擇，但都係揀左套餐，雖然係寫二人套餐，但食物相當豐富，一定可以捧腹而歸！涼菜五揀二涼伴萵筍絲切到幼幼地好爽口，酸辣小木耳辣辣地好味之餘仲好開胃！雜錦小籠包四款四色既小籠包，黃色既餡係鹹蛋黃同埋豬肉，紅色係麻辣味既，綠色係酸菜魚湯，全部都皮薄多汁，必食之選主角係呢個黑毛豬腩肉鍋，有爐火保持熱力，配料有萵筍、蓮藕、薯條、水晶粉同埋支竹，香辣惹味，配料連蓮藕都入味，黑毛豬腩爽口唔肥，非常夠份量，而且仲有兩碗白飯加兩杯大大杯既飲品，性價比相當之高，下次搵夠四人食佢既四人套餐