金記冰室 (新翠商場) (已結業)

金記愈開愈多分店, 之前係康怡果間都食過佢既焗豬扒飯, 今日就試下新開呢間既海南雞飯。食飯時間都多人等位堂食, 但等外賣既人都唔少, 落單後大概15分鐘先有得拎外賣。午餐包左湯同熱飲, 我就加左錢轉飲凍檸茶。鍾意食海南雞飯既人一定係愛佢既油飯, 呢間既油飯整得好好。雖然睇落似白飯, 但食落係有油香, 飯既水份同油份比例剛好, 飯粒粒分明。雞好滑, 同埋份量好足, 岩岩好可以餸哂成個飯食。食完成個飯我先發現佢俾少左點雞既醬汁, 不過唔洗特別點醬汁都已經好好食。