薈亞廚房 (已結業)

早幾日去左將軍澳探朋友個新生B女，夜晚就同朋友落左新都城食飯朋友表示想食東南亞菜，就揀左去薈亞廚房我地叫左半隻海南雞、生菜包、泰式炒金邊粉海南雞係已經去左骨，肉質好鬆軟淋滑。仲隱約帶有香茅香味，完全係我最鐘意既質感同味道!!點埋佢既醬汁就仲正，酸酸辣辣超級惹味!!同我係泰國食既一樣咁好食!!生菜包就正正常常，豬肉碎炒得好香好夠辣!!我朋友就最鐘意食辣，佢都話正!!仲要好JUICY!!泰式炒金邊粉都幾唔錯，有4隻大蝦球金邊粉炒得夠乾身，調味做得剛剛好!