影片
更多
2020-05-25
5266 瀏覽
其實都嚟過紫荊閣大大話話都超過10次，食物方面話主打懷舊菜式，而且品質真係唔錯，不過有時客多嘅時侯出品同服務都會有參差。今年母親適逢疫情關係，爸爸訂咗位同嫲嫲慶祝。星期日晚客量比之前少，成晚都係得5枱客人。可能因為咁嘅關係，當晚食物品質大家都異口同聲話比之前好。事先爸爸預打訂咗:-杏汁燉豬肺湯 – 雪白杏汁湯，杏味濃夾香氣十足，湯料有白白淨嘅豬肺，件件大大嚿，食落豬肺其實冇咩特別味道，口感軟軟腍腍，豬肺有肺喉部位爽脆無比，沾上加有胡椒粉嘅豉油，滋味無窮。不過略嫌湯飲到尾，有啲一粒粒，應該係啲杏粒。雞蛋焗魚腸 – 懷舊菜式，用瓦兜盛載，大量芫茜底下，雞蛋魚腸面焗到焦黃香脆，入口香濃雞蛋味夾雜大量甘香魚腸同魚潤，魚油充斥口腔，一啲都唔腥，魚腸爽脆煙韌，滿足晒口感同刺激味蕾。蝦子扒魚肚 – 魚肚大大件，厚度超過一厘米，蠔油茨汁色澤濃，魚肚食落似爽身海綿，索晒啲茨汁，食落幽幽蝦子清香，伴碟嫩菜芯沾埋茨汁一齊食相當清甜。蓮蓉西米焗布甸 - 焗布甸真係唔係容易食到好味，食落軟綿綿，超級香滑。牛奶同雞蛋味好香濃，蓮蓉又恰度好處，西米就發得比較大粒，冇咩口感之言。即場叫多幾味餸如下:-蟹肉扒瓜甫 –
事先爸爸預打訂咗:-
杏汁燉豬肺湯 – 雪白杏汁湯，杏味濃夾香氣十足，湯料有白白淨嘅豬肺，件件大大嚿，食落豬肺其實冇咩特別味道，口感軟軟腍腍，豬肺有肺喉部位爽脆無比，沾上加有胡椒粉嘅豉油，滋味無窮。不過略嫌湯飲到尾，有啲一粒粒，應該係啲杏粒。
杏汁燉豬肺湯
34 瀏覽
1 讚好
0 留言
杏汁燉豬肺湯（豬肺）
26 瀏覽
0 讚好
0 留言
雞蛋焗魚腸 – 懷舊菜式，用瓦兜盛載，大量芫茜底下，雞蛋魚腸面焗到焦黃香脆，入口香濃雞蛋味夾雜大量甘香魚腸同魚潤，魚油充斥口腔，一啲都唔腥，魚腸爽脆煙韌，滿足晒口感同刺激味蕾。
雞蛋焗魚腸
44 瀏覽
0 讚好
0 留言
蝦子扒魚肚 – 魚肚大大件，厚度超過一厘米，蠔油茨汁色澤濃，魚肚食落似爽身海綿，索晒啲茨汁，食落幽幽蝦子清香，伴碟嫩菜芯沾埋茨汁一齊食相當清甜。
蝦子扒魚肚
28 瀏覽
0 讚好
0 留言
蝦子扒魚肚
27 瀏覽
0 讚好
0 留言
蓮蓉西米焗布甸 - 焗布甸真係唔係容易食到好味，食落軟綿綿，超級香滑。牛奶同雞蛋味好香濃，蓮蓉又恰度好處，西米就發得比較大粒，冇咩口感之言。
蓮蓉西米焗布甸
33 瀏覽
0 讚好
0 留言
即場叫多幾味餸如下:-
蟹肉扒瓜甫 – 點菜時本身話冇瓜甫，仲叫我哋點過其他菜式，不過轉過頭又話可以做到俾我哋，但係需時可能要耐啲。冇所謂啦，不過都唔需要等好耐都上到菜。瓜甫青甜，配上蟹肉玻璃茨汁，食落一股香甜清新。蟹肉份量一般，都有新鮮蟹柳條同蟹肉絲。
蟹肉扒瓜甫
32 瀏覽
0 讚好
0 留言
鹽水雞腎(冷盆小食) – 應該用白鹵水醃製，有微微香料味，脆得嚟唔會太硬，老人家都啱食。
鹽水雞腎
45 瀏覽
0 讚好
0 留言
上湯菜膽雞(半隻) – 上湯又係玻璃茨，一層淋喺白切雞面。雞肉啱啱熟透，肉質一般，不過至少唔嚡，雞味唔太突出。伴碟有嫩芥蘭，香甜得嚟少少脆夾少少淋。
上湯菜膽雞
38 瀏覽
0 讚好
0 留言
餸菜賣相同味道屬中上級，尤其係燉湯方面，記得上次嚟食都飲咗個燉鴨湯，都相當出色。
張貼
