影片
更多
2023-11-21
1286 瀏覽
上星期係灣仔一間好出名食手工麵嘅舖頭試咗個酸菜魚，點知又「鞋」，又多骨，影響晒全餐嘅心情。今個星期決定再接再厲，去一間未去過嘅餐廳繼續食酸菜魚。上網見鰂魚涌有間隱世小店，收工就衝咗過去。6點9左右去到，已經有食客開緊餐，唔少枱都已經擺咗「留座」牌仔，好彩都仲有位比無訂枱嘅我哋。小店裝修都係比較簡單，座位唔算多，唔太適合多人聚餐。晚市有提供唔少煲仔小菜，兩丁友人少少，就小試咗兩款：招牌酸菜魚(滑魚片)$198同風味干扁肥腸$126，外加兩碗白飯$12/碗，同一杯自家製羅漢果茶$12。唔知大家睇相感唔感受到個熱力。所謂「熱食勝三分」，係涼涼地嘅天氣食煲仔菜，就更加覺得好味。呢間嘅酸菜魚可以揀辣度，同其他店唔同嘅位在於湯底內有大量嘅洋蔥絲，令湯底有多一分甜味同洋蔥香，但始終唔係人人鍾意洋蔥，啱唔啱食，就真係好個人。但魚肉本身就無容置疑地出色，又滑又厚身，食晒全煲都無五條骨，啱晒我呢啲唔識食魚嘅人。風味干扁肥腸都同樣出色。佢嘅「風味」原來用係豉椒爆香，肥腸又真係件件肥嘟嘟，但唔係大大舊脂肪，食內臟最怕洗得唔乾淨，呢間好明顯無呢個問題。肥腸有咬口，但唔會韌，整體係香辣過癮，唔食辣嘅都應該可以接受
今個星期決定再接再厲，去一間未去過嘅餐廳繼續食酸菜魚。上網見鰂魚涌有間隱世小店，收工就衝咗過去。6點9左右去到，已經有食客開緊餐，唔少枱都已經擺咗「留座」牌仔，好彩都仲有位比無訂枱嘅我哋。小店裝修都係比較簡單，座位唔算多，唔太適合多人聚餐。
晚市有提供唔少煲仔小菜，兩丁友人少少，就小試咗兩款：招牌酸菜魚(滑魚片)$198同風味干扁肥腸$126，外加兩碗白飯$12/碗，同一杯自家製羅漢果茶$12。
唔知大家睇相感唔感受到個熱力。所謂「熱食勝三分」，係涼涼地嘅天氣食煲仔菜，就更加覺得好味。
呢間嘅酸菜魚可以揀辣度，同其他店唔同嘅位在於湯底內有大量嘅洋蔥絲，令湯底有多一分甜味同洋蔥香，但始終唔係人人鍾意洋蔥，啱唔啱食，就真係好個人。但魚肉本身就無容置疑地出色，又滑又厚身，食晒全煲都無五條骨，啱晒我呢啲唔識食魚嘅人。
招牌酸菜魚（滑魚片）
$198
20 瀏覽
0 讚好
0 留言
風味干扁肥腸都同樣出色。佢嘅「風味」原來用係豉椒爆香，肥腸又真係件件肥嘟嘟，但唔係大大舊脂肪，食內臟最怕洗得唔乾淨，呢間好明顯無呢個問題。肥腸有咬口，但唔會韌，整體係香辣過癮，唔食辣嘅都應該可以接受。
風味干扁肥腸
$126
21 瀏覽
0 讚好
0 留言
埋單計數，連加一，總共$396，人均約$200。
味道總評：⭐️⭐️⭐️⭐️
環境評分：⭐️⭐️⭐️
再訪指數：⭐️⭐️⭐️⭐️
張貼
