深井陳記燒鵝 (已結業)

一直都好想試下深井燒鵝，但又唔想入深井，好彩而家佢喺將軍澳都有分店，終於有機會試下呢度環境幾乾淨，又寬敞，平日夜晚唔算多人，好啱一家人嚟食飯。除咗燒味，呢度仲有好多小菜，價錢都好經濟，仲要冇茶錢冇加一，非常抵食！我同朋友叫咗幾樣野，每人都只係$140⭐陳記燒鵝（上庄）揀咗上庄試，因為比下庄平$20。燒鵝層皮燒到網狀一格格咁好靚，入口微脆，仲會爆啲鵝油出黎，而隻鵝好瘦，好少肥膏，但肉質依然嫩滑，仲醃得好夠味，唔點酸梅醬反而更有鵝味⭐濃湯瀨粉燒鵝同瀨粉係絕配，所以一定要點埋。瀨粉淥得啱啱好，口感唔會過淋，而湯底係濃郁嘅雞湯，會令你飲唔停口⭐脆皮燒腩飯燒腩嘅五花腩位肥瘦均勻，層皮整得非常脆，而醃料份量適中，唔會話有啲位好鹹⭐啫啫芥蘭煲本身想叫通菜，不過咁啱賣哂，好彩有個相同煮法嘅芥蘭煲。芥蘭連埋肉碎、蝦乾、紅椒、秀珍菇，用蝦醬一齊炒好惹味，配飯食簡正一流呢4樣食物質素都幾高，值得下次再黎