Bischofia by Mood

營業中

休息中

之前係尖沙咀試過一間叫MooD嘅小店，品質都唔錯。經過觀塘呢一頭。見到呢間Bischofia by Mood ，食物Menu梗係豐富啲啦，就入咗去食個午餐。你間餐廳樓底都幾高，座位都闊落嘅。用QR code落單，叫咗一個雲朶牛油果蟹肉他他牛角窩夫，同埋一杯Flat White。咖啡先嚟到，好鍾意佢哋嗰個雙層透明玻璃杯。杯咖啡可以揀Fruity Brend或者Nutty Brend。佢做得好嘅地方，就係真係夠熱。一杯熱辣辣嘅天氣好嘅Flat White。跟住個牛角窩夫都到埋。好似成嚿雲咁嘅太陽蛋，上高係蛋黃，但係啲雲其實係甜忌廉，配合返焗到脆晒嘅牛角窩夫，夾住牛油果、蟹肉他他、牛油果醬。夾埋一啖食落去嗰個口感最豐富。牛油果襯托咗蟹肉嘅鮮味，甜忌廉就襯托咗窩夫脆脆嘅口感。雖然係細細個，但係食完都好夠飽。