麻辣年華 (楊屋道)

營業中

休息中

踏入晚上九點進入宵夜時段，不過呢間位置有少少偏僻嘅小店比想像之中多客人，而且一邊食一邊有客入嚟食嘢，咁呢度啲嘢係好食嘅。我哋三個人每人叫一樣野食，然後share，難得三樣嘢都幾好食。金湯酸菜魚片米線$48：魚片嘅數量比想像之中多，佢呢度嘅酸菜魚又真係唔辣喎，個湯幾好飲。豬骨濃湯肥牛米線$45 ：好彩啲肥牛又唔會好肥，個湯底都唔錯，幾好飲。乾鍋農家小炒肉$59 ：飯同餸分開上，碟小炒肉真係好大碟，好香好惹味，啲青色辣椒好鬼辣，食得好過癮。