泰金國 (已搬遷) 新店位置

有日特登落九龍城，就為左潮聖泰金國。泰金國係好出名的黄店，我六點到未駛等位，但就一定要齊人先入得。入到去講明只可以落一次order，目測所有人一個鐘內都食完。兩個人叫了燒牛肉、燒雞翼、炒咖喱蜆、蒜蓉包及炒通菜，重有椰汁沙冰。首先一定要介紹杯嘅椰汁沙冰，我覺得真係好好好飲，凍冰冰加椰汁香，我地追加多一杯，好味程度係我哋寧願飲多杯，都唔想試其他味道。食物方面， 每一碟都好好食，係高質嘅泰國菜。尤其燒牛肉真係好出色，牛肉本身質量幾好，加埋個汁真係好正。燒雞翼燒得好香，我同意係必食。其餘炒咖喱蜆加蒜蓉包及炒通菜，我都好推介。環境就係一般地道泰國餐廳環境，唔好咁高要求就得。服務就好一般，不過不失。不過為咗食好嘢下次都會嚟。