首首.韓式小館 (已結業)

星期六晚上難得約齊幾位好耐無見既朋友，到灣仔利東街食韓國料理。餐廳樓底高，座位舒適，韓式前菜擺得好靚添。點了一個香煎韓式薯仔脆餅 （$108）薯餅香脆可口，唔係油淋淋個種，配上醬汁，味道不錯！自家制韓式煎蝦餅 （$128）雖然只有三塊，但小食多滋味，吃下去有蝦肉，香口野岩哂我地。推介這個酒燜豬腩肉 （$148）豬腩肉真係入口即溶，脂肪比例剛好，連續食幾舊都唔覺膩👍🏻我地仲點左 傳統五色石鍋飯 （$128）配埋辣醬一齊食，仲有少少飯焦，穩陣之選！柚子茶也絕不馬虎，每人一個茶壺，慢慢倒出來喝，夠誠意！整體來說，餐廳食物質素不錯，員工態度好，喜歡韓國菜就至岩。