媽咪雞蛋仔

營業中

休息中

因為成日都會經過紅磡嘅關係，所以過往都會耐唔耐幫襯呢一檔雞蛋仔，今次經過就見唔到開門，原來只係搬了舖頭。所以今次就同媽媽經過一齊試吓新鋪味道啦。全新媽咪雞蛋仔就以藍黃色做店鋪顏色，真係遠距離都見到。餐牌方面主要都是不同口味的雞蛋仔及格仔餅，而且仲有好多唔同飲品選擇。今次最後就買咗檸檬芝士雞蛋仔以及伯爵茶朱古力雞蛋仔。還有一杯凍檸水及凍檸茶。個人覺得檸檬芝士雞蛋仔味道相當出色，檸檬味相當清新，配上濃郁嘅芝士味食起上嚟唔會好漏。伯爵茶朱古力雞蛋仔，每一啖都食到朱古力流心嘅感覺，隨即伯爵茶味淡淡出來，相當有層次。之後佢嘅凍檸水及凍檸茶亦相當出色，飲得出真係天然鮮榨相當足料，啱晒呢個夏天飲，真係相當消暑解渴。