沙田新強記燒鵝海鮮酒家

營業中

休息中

今日同屋企人嚟到位於大圍嘅老式茶樓食晚飯。茶樓裝修偏舊式，員中都有啲年紀，佢地都好有善，會同客傾下計。今日飲左香片，茶底香濃。揚州炒飯 $109主食有唔少飯類同麵類選擇，我地叫左個揚州炒飯。揚州炒飯大大碟，炒得好香，好惹味。炒飯材料有飯、仲有雞蛋、菜粒、蝦仁同香蔥。炒飯炒得乾身，唔油，粒粒分明。蝦仁份量多，粒粒都彈牙。菜粒就可以增加口感。另外我仲食得出有鹹蛋黃，加落炒飯到味道更好，鹹香鹹香。強記雞粥（位） $60雞粥係新強記嘅重點之一，一米嘅份量已經好多，真係6個碗仔。粥底主要有蔥同雞，但係粥底已經好鮮甜，雞味好濃郁，粥底煲得好綿密，好好味，好推介！雞肉份量都多，而且每舊都好多肉，肉質都嫩滑。新強記燒鵝王（例）$190最後就介紹燒鵝王，除咗雞粥，新強記嘅燒鵝都好出名，好多人特登過嚟食㗎！一份例牌燒鵝，雖然價錢有啲貴，但係好大碟。一上枱已經聞到香噴噴，同埋見到燒鵝色澤好靚。燒鵝食落口燒鵝皮薄薄一片，仲好脆，之後就連咗一層脂肪，充滿鵝油香，最後就係鵝肉，肉質結實又好味。最後店員仲會為我哋送上甜品，分別係紅豆沙同南瓜西米露，好滿足。