米走雞 (昭德大廈) (已結業)

個地點本身都唔係旺區，都幾難搵。 又無泊車。但一樣要推介。 因為佢啲嘢真係唔錯。 一入去就已經聞到好香麻辣雞煲味。 坐下， 二話不說，點一個麻辣雞煲同芝士雞煲。 麻辣的要了中辣。 恰到好處， 有辣味道又唔會蓋過雞味。 仲有好足料， 啲雞骨肉均稱 。 跟住食埋個芝士雞， 夾住芝士食好正。 可惜個爐太猛，食唔切，有啲燶底。 當食完雞後，添加了湯便可以打邊爐。 但係最失敗是選了不辣的湯。 加入湯後，整個煲失了味道，大為失色。但其實打邊爐的配料也很出色。 其中推介的有響玲和蝦滑。 兩樣都不是新奇玩意。但這家的響玲不但鬆脆而且有豆味。 而蝦滑就加了原隻蝦肉， 增加了咬口。