酷廚 (已結業)

經常幫襯既Kool酷廚最近轉了風格，走泰越西Fusion 路線，除了拿手的意大利粉，Risotto以外，Menu更多了大蝦香芒沙律，越食拼盤之類既選擇，市場定位嚟講都算頗特別，印像中荔枝角區都好似無咩泰，越式既餐廳，因為我係荔枝角返工關係，今日午餐加晚餐都打算係Kool度食，正好可以一試佢地既新菜式先講午餐，我朋友點左嗰牛扒，忘記係咩部位，但份量頗大，朋友話醬汁味道不錯，雖然侍應無問要幾成熟，但食落都剛剛好，似係稍熟多少少既Medium Rare, 因油脂不算多，3成熟多少少剛好另一位朋友叫左大蝦芒果沙律，份量頗多，我偷食了一點，幾好味，下次我都想自己叫嚟食，不過依款無套餐選擇，要散見我就叫左份炸魚薯條，炸魚超大份，外層炸得香脆，但魚肉卻依然嫩滑不會老，頗驚喜，甚至份量多到連我咁大食都覺得食唔晒，另外厚切薯條都好味又脆身到了晚餐時間再嚟一戰，我叫左份香煎比目魚扒配檸檬牛油汁，依個絕對係我誠意推介，比目魚煎得香脆，魚肉嫩滑又juicy ,微酸既檸檬牛油汁非常清新而惹味，中和了飽滯感，出色之作朋友叫左法式香草燒羊架，份量頗大件，又係煎得好香口，充滿羊味既油脂香令人垂涎三尺，我試吃了一點，生