Infiniti C (已結業)

香港嘅咖啡店一到假日，總係人頭湧湧，所謂慢活，只限平日。可惜我地都係週末先有時間周圍行下，落住微雨黎到西環，cafe門外有幾組人等位。位置唔多，粉藍色外牆白色裝潢，優雅舒適，靠窗位置採光度高，雲石杯墊、餐紙都好靚店員服務殷勤有禮，我諗要平日黎，冇咁多人，可以食得自在啲。餐牌選擇頗多，意粉、多士、沙律、窩夫、蛋糕等，適合素食者或對麩質敏感嘅人。有少部份白肉食物，基本上餐牌都有標示；甜品自家製，賣相吸睛，定價$46-62。Earl Grey Cream Cake $62 Charcoal Hojicha Cake $62洗版度最高嘅伯爵茶蛋糕，富層次感，以忌廉相隔，蝶豆花天然染色、食用花裝飾，賣相精美，相機食先滿分 。市面上好多無麩質甜品都做得出色，呢件都唔例外，我自己就分唔到喇蛋糕體輕盈鬆綿，帶濕潤度，淡淡伯爵茶香，夾層忌廉滑溜， 可以一試，只係稍為甜啲。全黑色造型嘅係竹炭焙茶口味，同樣無麩質，蛋糕輕身，飽腹感唔高，可惜茶味薄弱。Blue Earl Grey Latte $50 同伯爵茶蛋糕湊成一對嘅拿鐵，拉花以外，仲加左伯爵茶葉同食用花裝飾，靚！