香港華商銀行公會

營業中

休息中

第一下聽我朋友話我去依間餐廳個陣，我都問號咗一下，因為聽落去實在太唔似中菜館。原來佢係中環行上蘭桂坊條路上嘅一間會員制嘅餐廳，環境舒適。我哋點咗芥末小雲耳，開胃清爽，有微微嘅辣味。香炸墨魚丸食到粒粒墨魚粒同爽口彈牙嘅魚膠，鮮味十足，唔洗點嘢都夠哂未。之後我哋要咗每人一分香茜皮蛋龍𧄌豆腐湯，湯呈奶白色，魚香，清甜順口。咖哩牛根腩煲嘅薯仔好好味，外脆內軟，牛腩同根都煲得好冧，淡淡椰香，忌廉般順滑。杞子圓肉浸菜苗真材實料，圓肉甜美，配上上湯浸鮮蔬，正氣下火。最後一道鮮荷葉飯，有蝦粒同其他食材，淡淡香氣，份量十足。食到最後我哋已經好飽，否則有得揀唔同嘅糖水，包括綠豆莎、芋泥布甸同甜餡嘅包。