富士山媽媽 (已結業)

今日來到太平山玩!!玩左成日，晚上9點開始搵野食!!搵到一間叫富士山媽媽的餐廳!入到去，地方都幾靚!本想住今晚晚餐應該幾唔錯，可惜……坐低後，有位靚仔服務員來招呼，我和太太點左3樣菜!一份泡菜小鍋!一份媽媽大板海鮮燒一份野菜天婦羅!好了，等待……慢長的等待……起初，我和太太都認為餐廳應該很多人，所以餐都會耐小小的!ok,大約20分鐘後!小鍋先到!份量真好細……跟手我叫左一個白飯$20白飯夠大碗!將佢分兩份先!!一邊食，一邊等待其餘的兩個菜!!!再20分鐘後，我發覺唔係對路……問一問位女仔服務員!!個女仔幫我入去睇過之後，先知原來其餘果兩份一啲都冇入到單!!!仲問我們係唔係有點到，當時我太太就問佢，頭先果位男仔服務員呢？一睇之下，原來已經冇左人影……呢張係點菜前影的果位靚仔服務員!我見太太想發火，就拉拉聲叫買單……買單連白飯加10%服務費!$174我寫出呢次食評，係想呢間餐廳以後係寫單時，可以認真一啲!因為係呢度見到的食評，大部分係打手打的，過份讚美和失實的報導!願來到呢間餐廳的客人，有一個完美的晚餐體驗!