影片
更多
2023-01-14
109 瀏覽
叫咗朋友陪我喺深水埗買啲小配件，買完之後，諗住搵間小店食啲嘢，路過呢度，見到係新開🎊，乾乾淨淨，朋友就話不如喺呢度食飯啦。我哋叫咗幾樣食物一齊食。🌶️麻辣雞刀削麵套餐 $60麻辣雞 同 刀削麵分開上；刀削麵要咗湯麵、微辣，已經好好味，辣度又啱我哋胃口；麻辣雞 少少麻少少辣，雞肉嫩滑，上邊仲加咗啲花生🥜、蒜蓉🧄、紅椒🌶️，好惹味。飲熱港式奶茶☕️：要咗多奶，夠香滑。🐓花雕醉雞$50雞肉又係幾嫩滑，雞皮就有啲爽脆，所有雞件都有淡淡嘅花雕酒香味，份量亦都幾多。🍵淳•茶舍+$8🐷麻辣豬軟骨$45有三大件，每一件都頗為巨型，朋友同我見到都已經好開心😀；豬軟骨有肉嘅部份炆煮得好腍，軟骨部份就軟軟哋脆脆哋，一啖裏邊又腍又軟又脆，口感豐富。🥬涼拌蒿筍 $30相當大碟，蒿筍新鮮、好爽脆，落咗大量蒜蓉🧄，好香口。呢間小店每樣食物份量都幾多，食得朋友同我非常飽飽🤰😆。
🌶️麻辣雞刀削麵套餐 $60
麻辣雞 同 刀削麵分開上；刀削麵要咗湯麵、微辣，已經好好味，辣度又啱我哋胃口；麻辣雞 少少麻少少辣，雞肉嫩滑，上邊仲加咗啲花生🥜、蒜蓉🧄、紅椒🌶️，好惹味。
飲熱港式奶茶☕️：要咗多奶，夠香滑。
🐓花雕醉雞$50
雞肉又係幾嫩滑，雞皮就有啲爽脆，所有雞件都有淡淡嘅花雕酒香味，份量亦都幾多。
🍵淳•茶舍+$8
🐷麻辣豬軟骨$45
有三大件，每一件都頗為巨型，朋友同我見到都已經好開心😀；豬軟骨有肉嘅部份炆煮得好腍，軟骨部份就軟軟哋脆脆哋，一啖裏邊又腍又軟又脆，口感豐富。
🥬涼拌蒿筍 $30
相當大碟，蒿筍新鮮、好爽脆，落咗大量蒜蓉🧄，好香口。
呢間小店每樣食物份量都幾多，食得朋友同我非常飽飽🤰😆。
張貼
