銘興山西刀削麵 (大同新邨)

營業中

休息中

呢間刀削麵專門店喺黃埔同大角咀都有分店，有湯麵、熱拌及涼拌麵供應，另外可以自行選擇麵底、餸、同辣度。店內環境唔大，但座位之間有適當距離，採用藍白色為主調，行簡約風，店員服務態度有禮貌，食物大件夾抵食，值得到訪。招牌菜有花雕醉雞刀削麵，醉雞入味，嫩滑多汁，啖啖肉，性價比高。刀削麵帶點咬口，煙韌彈牙，份量好多，而上湯偏清淡，建議可以加入辣醬或轉湯底令到整體味道更加豐富。熱伴豬扒刀削麵轉咗要紅薯粉，亦可以要米粉或米線。口感軟身，黏黏糊糊，同一般食開嘅唔一樣，配有花生粒粒、青瓜絲、芝麻沙律醬同特跳擔擔醬，撈埋一齊食都幾夾，唔夠嘅記得要問店員加醬🫣相比起主食會話小時更加有驚喜。包漿小豆腐外皮薄身，豆腐鮮嫩，一口一粒好過癮、墨魚餅炸至酥脆，咬落Q彈，而且唔油、荔枝波波蝦球賣相可愛，出面嘅脆脆粒夠脆、手工韭菜豬肉餃外皮偏厚但餡料豐富飽滿，會回訪。