啖啖燕窩 (永顯工業大廈)

營業中

休息中

上次介紹觀塘有間抵食足料得嚟又好味嘅糖水鋪，原本有新分店，開咗係新蒲崗！位置係四美街巴士站附近，地鋪位置，都幾近鑽石山新屋苑。新店繼續以粉紅色設計，仲有位可以堂食，充滿打卡位。店主不時播K歌，氣氛不錯。#紅棗杞子燉雪燕一碗一份，滿意甜牙齒，紅棗杞子燉雪燕，唔算好甜但夠滋潤，雪燕就好似平價版燕窩咁，打工仔養顏選擇#芝士奶蓋燉蛋面頭嘅芝士奶蓋香濃綿密，入口咸咸甜甜，燉蛋都好滑溜，店内近排超熱賣，值得試下！#3.6牛乳鮮奶凍今次encore 嘅甜品！奶凍口感醇滑，3.6奶味道好濃，最正唔太甜，少少地一杯，啱啱好#蒜辣雞翼尖小食獨立包包裝，啱晒OT後宵夜。雞翼尖蒜味幾重，加啲辣汁再惹味啲，嗜辣嘅我想再食。