Smokey Ice (已結業)

係假期嘅日子，下午茶當然亦要食得豐富啲。去到旺角出名嘅甜品店，先飲兩杯透心涼嘅野飲，先有荔枝特飲、玫瑰特飲，甜味適中，果味濃郁，係呢啲炎熱日子嘅好選擇。接著係人見人愛嘅炸物，炸物拼盤有蜜糖雞翼，皮脆肉汁豐富，蝦餅有微微辣味，夠晒過癮，而炸芝士條唔係常見嘅小食，呢度炸得芝士軟綿，值得推介!食完咸點後，當然係甜品時間，先有香蕉pancake，pancake皮煎得軟軟軟，一啲都唔結實，中間再夾住香蕉、同埋忌廉，以及燒得半溶嘅綿花糖，滿足感十足!而最期待嘅「牛扒」，其實係乾冰製造嘅效果，加上朱古力碎雪糕，就有如牛扒嘅賣相，而薯條則用上蕉糖香蕉，跟雪糕相當匹配，絕對值得一試!