民泰四七 (已結業)

颱風後的晚上，六點幾街上行人寥寥可數，民泰街都有唔少食肆，見到這間餐廳裝修幾有格調，個名都好得意—民泰四七，原來意思好簡單，就係民泰街47號，個名感覺咁古式但竟然食西班牙fusion？！前菜點左個芒果檸汁醃吞拿魚，睇佢細細碟，但色彩好鮮豔，吞拿魚好新鮮，同芒果出奇地夾，配上牛油果醬一流，非常醒胃。六十五度慢煮黑毛豬仔骨百幾蚊黎講呢份豬仔骨都算唔少，比起平時食嘅ribs, 呢個無咁肥，怕肥肉嘅女士啱曬! 可能慢煮嘅關係，佢瘦得黎肉質都唔會話好韌，仍然有肉汁，唔錯唔錯波士頓龍蝦釀海鮮意大利飯初頭望落去，以為唔見左隻龍蝦，原來成隻龍蝦都比意大利飯覆蓋姐！鮮茄汁的味道好濃郁，包實每一粒飯粒但又唔會太多汁「水嬲嬲」嘅感覺，龍蝦都有驚喜，肉質爽口而且份量亦好足！本來見到餐牌有好多得意甜品好想試，但最尾太飽放棄了。